Kalittokai

((Originally extracted from master file ^KALI.OCP))
((Last updated on 2004 April 14th))

• {KALI 127-1} teri iṇar ñāḻal um tēm kamaḻ puṉṉai um
• {KALI 127-2} puri aviḻ pūviṉa kaitai um cerunti um
• {KALI 127-3} vari ñimiṟu imirntu ārppa irum tumpi iyaipu ūta
• {KALI 127-4} ceru miku nēmiyāṉ tār pōla perum kaṭal
• {KALI 127-5} vari maṇal vāy cūḻum vayaṅku nīr taṇ cērppa
• {KALI 127-6} koṭum kaḻi vaḷaiiya kuṉṟu pōl vāl ekkar
• {KALI 127-7} naṭuṅku nōy tīra niṉ kuṟi vāyttāḷ eṉpatu ō
• {KALI 127-8} kaṭum paṉi aṟal iku kayal ēr kaṇ paṉi malka
• {KALI 127-9} iṭumpaiyōṭu iṉaipu ēṅka ivaḷai nī tuṟantatu ai
• {KALI 127-10} kuṟi iṉṟi pal nāḷ niṉ kaṭum tiṇ tēr varu patam kaṇṭu
• {KALI 127-11} eṟi tirai imiḻ kāṉal etirkoṇṭāḷ eṉpatu ō
• {KALI 127-12} aṟivu añar uḻantu ēṅki āy nalam vaṟitu āka
• {KALI 127-13} ceṟi vaḷai tōḷ ūra ivaḷai nī tuṟantatu ai
• {KALI 127-14} kāṇvara iyaṉṟa i kaviṉ peṟu paṉi tuṟai
• {KALI 127-15} yāmattu vantu niṉ kuṟi vāyttāḷ eṉpatu ō
• {KALI 127-16} vēy nalam iḻanta tōḷ viḷaṅku iḻai poṟai āṟṟāḷ
• {KALI 127-17} vāḷ nutal pacappu ūra ivaḷai nī tuṟantatu ai
• {KALI 127-18} ataṉāl
• {KALI 127-19} iṟai vaḷai nekiḻnta evva nōy ivaḷ tīra
• {KALI 127-20} uravu katir teṟum eṉa ōṅku tirai viraipu taṉ
• {KALI 127-21} karai amal aṭumpu aḷittāṅku
• {KALI 127-22} uravu nīr cērppa aruḷiṉai aḷimē